اسلام آباد۔ 27 ستمبر(اے پی پی) چیئرمین سینیٹ سید یوسف رضا گیلانی آکھیے سیاحت کہیں وی ملک دی معاشی، سماجی تے ثقافتی ترقی اچ ریڑھ دی ہݙی دی حیثیت رکھیندی اے ۔ پاکستان اچ سیاحت دے ودھارے توں نہ صرف معیشت کوں استحکام تے روزگار دے وسیع موقع پیدا تھیسن بلکہ عوامی خوشحالی اچ ودھارا تھیسی تے دنیا دے سامݨے پاکستان دا مثبت تے روشن تشخص اجاگر تھیسی۔ عالمی ݙینھ سیاحت دے موقع تے اپݨے پیغام اچ انہاں آکھیے جو پاکستان اپݨی جغرافیائی تنوع، قدرتی خوبصورتی، قدیم تہذیباں تے مذہبی تے ثقافتی ورثے دی وجہ کنوں دنیا دے سیاحواں کیتے پرکشش مرکز اے۔ پاکستان دی سنڄاݨ صرف اچے پہاڑاں، صحرائواں تے ساحلی پٹیاں تئیں محدود کائںی بلکہ وادی کالاش دی روایات، گندھارا تہذیب دی شان و شوکت تے کرتارپور کوریڈور جیھے روحانی مراکز وی پاکستان کوں دنیا دی مختلف مذاہب تے ثقافتاں کیتے وکھرا تے اہم مقام عطا کریندن۔ چیئرمین سینیٹ آکھیے حکومت مذہبی سیاحت دے ودھارے کیتے جامع ویزا پالیسی متعارف کرائی اے تے اے اقدامات نہ صرف بین المذاہب ہم آہنگی تے رواداری کوں ودھارا ݙیندن بلکہ پاکستان دے پرامن، مہمان نواز تے ذمہ وار ریاست ہووݨ دی تصویر کوں دنیا دے سامݨے اجاگر کریندن۔ چیئرمین سینیٹ آکھیے موجودہ پارلیمنٹ پائیدار سیاحت دے ودھارے کیتے پرعزم اے تاں جو معاشی ترقی، سماجی انصاف، ثقافتی ہم آہنگی تے قومی اتحاد کوں یقینی بݨایا ونڄ سڳے۔ انہاں ایں عزم دا اعادہ کیتا جو سیاحت دے ودھارے دے ذریعے اساں ہک پرامن، خوشحال تے ترقی یافتہ پاکستان دی بنیاد رکھ سڳدوں۔
