اسلام آباد۔4جنوری(اے پی پی)وفاقی وزیر اطلاعات و نشریات سینیٹر شبلی فراز آکھیے جو پی ٹی آئی کی ولوں الیکشن کمیشن اچ دائر فارن فنڈنگ کیس اچ سکروٹنی کمیٹی دے ول ول پچھیت دے باوجود مسلم لیگ ن ‘ پیپلز پارٹی اتے جے یو آئی راہ فرا?? ڳھدی ہوئی اے، نیب اتے الیکشن کمیشن دے اڳو مظاہرہ دی دھمکیاں ݙیوݨ آلے فارن فنڈنگ دی دستاویزات الیکشن کمیشن کوں پیش کر تے اپݨے انتخابی نشان اتے حاصل شدہ فارن فنڈز ضبط تھیوݨ توں بچاون، مسلم لیگ ن اتے پیپلز پارٹی جیڑھا کھݙا پی ٹی آئی دے خلاف کھٹٰیا ہا ایندے اچ اپ ونڄ ݙٹھن۔ اے ڳالھ انہاں پارلیمانی سیکرٹری ریلوے فرخ حبیب نال پریس کانفرنس اچ آکھی۔ انہاں آکھیے جو اج ملک اچ کوئی وی کرپشن کوں غلط نئیں سمجھدا، حلال حرام دی روزی اچ فرق نئیں ریہا، ایں کلچر دے روح رواں شریف فیملی ‘زرداری ‘ اتے مولانا فضل الرحمان جھیں لوک ہین،فارن فنڈنگ کیس اچ سپریم کورٹ عمران خان کوں صادق و امین قرار ݙے چکی اے اتے غیر ملکی فنڈنگ دی تشریح وی کیتی گئی اے، الیکشن کمیشن اچ پی ٹی آئی اپݨے سارے تصدیق شدہ اکاﺅنٹس جم?? کرا ݙتن۔ وفاقی پارلیمانی سیکرٹری ریلوے فرخ حبیب آکھیے جو پاکستان دی سب توں وݙی عدالت دا فیصلہ موجود اے بھل فارن فنڈنگ بارے ملک اچ کوڑ دی منݙی پی ڈی ایم دی شکل اچ لگی ہوئی اے جیڑھے لوکاں کوں بھڑکیندن، پیپ پی اتے مسلم لیگ ن ترائے سال توں الیکشن کمیشن کوں فارن فنڈنگ کیس اچ اکاﺅنٹس دی تفصیلات نئیں ݙتیاں،ݙوہاں جماعتاں کاروباری کمپنی دے ناں تے رجسٹریشن کرائی ہوئی اے، اتھو ملݨ الے پیسے دی تفصیل وی نئیں ݙتی ڳئی، ٹی ٹیز، میݙیا فنڈز دی تفصیلات ݙیون، پیسے جمع رکاوݨ آلی دی تفصیل کتھاں اے؟ منی لانڈرنگ دے وی سوالات ہین۔
