دبئی۔11فروری(اے پی پی)وزیراعظم محمد شہباز شریف آکھیے جو عالمی س??ح تے سبز معیشت تے منتقلی مشترکہ ذمہ داری اے، ماحول دوست توانائی اتے پاکستان کوں گرین انرجی تے منتقلی کیتے سو ارب ڈالر دی لوڑھ اے۔ اے ڳالھ انہاں ورلڈ گورنمنٹس سمٹ نال خطاب اچ آکھی۔ انہاں آکھیا جو متحدہ عرب امارات دے صدر شیخ محمد بن زید النہیان اتے شیخ محمد راشد المکتوم دی قیادت اچ سمٹ اچ ہم خیال ممالک کوں کٹھا کرݨ، آئیدیاز دے تبادلے اتے انسانیت کوں مستقبل دے چیلنجز نال نمٹݨ کیتے ایں اقدام دی تعریف کرینداں، اے سمٹ انسانیت دے بہتر مستقبل کیتے چیلنجز اتے مواقع تے اجتماعی غور و فکر دا موثر فورم اے، اے اجلاس اوں ویلھے تھیندا پئے ڄݙاں غزہ المناک تنازعہ دے تباہ کن اثرات توں نکلݨ دی کوشش اچ اے جتھاں 50 ہزار فلسطینی شہید تھئین، فلسطینیاں دی نسل کشی نال پائیدار امن کوں دھک لڳے ٻھل پائید اتے منصفانہ امن صرف ݙو ریاستی حل نال ہی ممکن اے، اقوام متحدہ دی قرارداداں دے مطابق 1967ء توں پہلے دی سرحداں تے مشتمل ہک آزاد فلسطینی ریاست دا قیام ضروری اے، القدس الشریف جیندا دارالحکومت ہووے۔ انہاں آکھیا جو پاکستان ریزیلینس اتے بین الاق??ام?? تعاون دا عزم کریندے، کئی چیلنجز دے باوجود پچھلے سال اچ نمایاں معاشی بہتری آئی اے، پاکستان معاشی تبدیلی دی راہ تے ٹردا پئے، مہانڳ ڳھٹیے، شرح سود 12 فیصد تے آ چکیے، ہم فائیو ایز نال قومی اقتصادی ٹرانسفارمیشن پلان تے عمل کریندے پئے ہیں، اڑان پاکستان ملک دی اقتصادی ترقی دا منصوبہ اے جیندے اچ برآمدات، ای پاکستان، موسمیاتی تبدیلی، توانائی، انفراسٹرکچر، ایکویٹی اتے ایمپاورمنٹ تے توجہ اے، ایندا کلیدی ایجنڈا انرجی سکیورٹی اتے پائیداریت اے جیندے اچ نہ صرف معیشت ٻھل پاکستان ترجیح اے، پاکستان 2030ء تئیں 60 فیصد کلین انرجی مکس کیتے پرعزم اے، 30 فیصد گاݙیاں الیکٹرک تے منتقل کیتاں ویسن، اساں ہم شمسی، ونڈ، پن بجلی اتے نیوکلیئر انرجی استعمال کرݨ کیتے مسلسل اقدامات کریندے پئے ہیں۔ انہاں آکھیا جو ساݙے جنوبی علاقیاں اچ 50 ہزار میگاواٹ ونڈ انرجی دی وݙی صلاحیت اے، ناردرن پن بجلی منصوبہ 13 ہزار میگاواٹ کلین انرجی دی صلاحیت رکھدے، سولر انرجی آڈپٹیشن اچ پالیسی اتے ٹی??س اصلاحات، سرمایہ کاری، مراعات اتے نیٹ میٹرنگ نال تیزی ڳھن آئی ڳئی اے، سولر پینلز اتے ٻئے آلات تے کسٹم ڈیوٹی اچ رعایت ݙتی گئی اے، اساں کاروباری قوانین اچ سوکھ، قانونی تحفظ اچ وسعت اتے سرمایہ کاری اچ سہولتاں ݙتن، پاکستان کوں عالمی سرمایہ کاری دا مرکز ٻݨآوݨ کیتے خصوصی کاروباری مراکز قائم کیتن، قابل تجدید توانائی تے ودھ توجہ اے، معدنیات، صنعتاں دی ترقی، زراعت اتے تحفظ خوراک ساݙی پالیسی دا اہم محور اے، پاکستان ایکوفرینڈلی ایگریکلچرل انوویشن کیتے آڈاپٹیشن پالیسی 2023ء دے تحت پیداوار ودھاوݨ، تحفظ خوراک اتے دیہی معیشت دے ودھارے تے توجہ اے، ڈرپ ایری گیشن نال پانی دے مسئلہ تے قابو پاتا ویندا پئے، شمسی توانائی تے چلݨ آلے ٹیوب ویلاں کوں ایگری ٹیک انوویشن نال مراعات ݙیندے پئے ہیں، موسمی صورتحال پرکھݨ کیتے جدید نظام نصب لڳدا پئے، انہاںا قدامات نال ماحولیاتی صورتحال اچ بہتری آسی، ہک ہزار زرعی گریجویٹ پاکستانی جلد جدید تربیت کیتے چین ویسن، طبقات دی بہتری، مساوی مواقع اتےلوکاں دے خوشحال مستقبل کیتے ردھے ہوئے ہیں، عالمی س??ح تے گرین اکانومی تے منتقلی اجتماعی ذمہ داری اے، ملکی وسائل کوں متحرک کرݨ، پالیسی اصلاحات، بین الاق??ام?? شراکت داری اتے سرمایہ کاری اہم ہین جیندے نال اے ہدف پورا کیتا ونڄ سڳدے، پاکستان کوں گرین انرجی تے منتقلی کیتے 100 ارب ڈالر دی لوڑھ اے جیندے کیتے حکومتاں کوں موسمیاتی سرمایہ کاری، ٹیکنالوجی اشتراک کرݨا ہوسی، ک??یر جہتی اداریاں کوں پاکستان ڄھیں ابھردی معیشتاں دی پائیدار ترقی کیتے تعاون کرݨا چاہیدے، انفراسٹرکچر دی بہتری، معاشی تنوع، انسانی ترقی ترجیح اے، امید اے اے فورم دنیا دے امن، پائیدار اتے خوشحال مستقبل دی نویل سویل ثابت تھیسی۔
