ملتان۔ 05 ستمبر(اے پی پی)چیئرمین سینیٹ سید یوسف رضا گیلانی آکھیے جو سارے سیاسی جماعتاں کوں آپݨے آپسی اختلافات ہک پاسے رکھ تے اوکھے ویلھے اچ سیلاب زدگان دی مدد کیتے اڳوں آوݨا چاہیدے۔ انہاں اے ڳالھ ویمن یونیورسٹی اچ سیرت النبی کانفرنس اتے یوم دفاع دی تقریب نال خطاب اچ آکھی۔ سید یوسف رضا گیلانی مخیر حضرات توں اپیل کریندے آکھیا جو او اڳو ودھن اتے سیلاب توں متاثرہ لوکاں کوں درپیش مشکلات کوں گھٹ کرݨ کیتے دل کھول تے کردار ادا کرݨ کیتے حکومت دا ساتھ ݙیوون۔ انہاں انکشاف کیتا جو اڳلے 24 گھنٹے ملتان اتے مظفر گڑھ کیتے سیلاب کیتے ٻہوں اہم ہن۔ چیئرمین سینیٹ آکھیا جو ساکوں حضرت محمدؐ دا 1500 واں یوم ولادت مناوݨ ویلھے سیلاب زدہ لوکاں کوں نئیں بھلݨا چاہیدا، ایں سانڳے سینیٹ متفقہ طور تے ہک قرارداد منظور کیتی اے جو ایں ݙینھ کوں ریاستی سطح تے منایا ونڄے، پاکستان دا دفاع محفوظ ہتھاں اچ اے، اڄوکے سال مئی اچ پاک دھرتی تے بھارتی حملے دے بعد ساݙیاں مسلح افواج بہادری نال وطن دا دفاع کیتا، پاکستان ہک ذمہ دار ملک دی حیثیت نال پہلوں تحمل نال کم کیتا اتے بعد اچ ناقابل فراموش طاقت نال دشمن کوں منہ توڑ جواب ݙیندے آپریشن “معرکہ حق” اچ کامیابی حاصل کیتی اتے پوری دنیا اچ ارض پاک دا ناں روشن کیتا، پاکستان “معرکہ حق” اچ ہمسایہ ملک چینی نعرے تے عمل کیتا، ڳھٹ الوایا کرو اتے ودھ کم کیتا کرو” یوسف رضا گیلانی بھارت نال اڄوکی جنگ اچ میڈیا دی مثبت اتے ذمہ دارانہ رپو رٹنگ دی تعریف کیتی۔ چیئرمین سینیٹ آکھیا جو انجمن اسلامیہ ملتان (اڄ) چھ ستمبر کوں حضرت محمدؐ دا 1500 واں یوم ولادت خوشی نال جوش و خروش نال مناویسی، ڄیکر اساں نبی کریم صلی اللہ علیہ وسلم دی سیرت اتے تعلیمات تے عمل کریندے رہے تاں ساݙے سارے مسائل حل تھی ویسن۔
