اسلام آباد۔9مئی(اے پی پی)وزیراعظم محمد شہباز شریف وطن کیتے شہداء دیان قربانیاں کوں سلام ک??یندے آکھیے جو ملک نال دشمنی کرݨ آلے سزا توں نا بچ سڳسن، پاکستان دے جانبازاں ہمیشہ دشمن نال اکھ ملا تے تکڑا ولدا ݙتے، ولا 9 مئی جھیاں سانحہ نا تھیوݨ ݙیسوں۔ او اسلام آباد اچ وزارت اطلاعات ولوں شہداء اتے انہاں دے ٹٻراں نال یکجہتی کیتے رکھی ڳئی تقریب نال خطاب کریندے پئے ہن۔ وزیر اعظم آکھیے جو شہیداں دی عظمت کوں پوری قوم سلام پیش کریندی اے جیندی جرأت و بہادری کوں تاریخ ہمیشہ یاد رکھیسی جو شہداء پوری قوم دے ہیرو ہین ڄعیں اپݨی رت نال ملک دی حفاظت کیتی اے۔ انہاں آکھیا جو ساݙے جواناں ہمیشہ دشمن دا ݙٹ تے مقابلہ کیتے اتے ہر واری ڄارحیت دا اینڄھا منہ ٻھن ولدا ݙتے جو ولا دشمن کوں اینڄھی حرکت دوہراوݨ دی ڄرات نئیں تھیندی، اڄ پوری قوم اپݨے شہداء اتے غازیاں کوں ایویں یاد کریندی پئی اے ڄیڑھے سنہری حروف اچ وی لکھے ونڄں تاں انہاں دی داستان دی تاریخ نئیں ݙسا سڳدے۔
.jpg)