لاہور۔21ستمبر(اے پی پی) وزیراعلیٰ پنجاب مریم نواز شریف آکھیے جو امن توں نفرت دے اندھارے وچ روشنی کھنڈدی اے ، انسانیت دا ساریں توں مقدس فرض تے ضرورت امن قائم رکھݨا اے۔ “امن” دے جگ ݙیھاڑ دے موقع تے جاری بیان وچ انہاں آکھیا جو امن ہی او طاقت اے جیڑھی انسان کوں انسان بݨیندی اے، امن ہی ترقی دا پہلا قدم اے، جیں کنوں نفرت دے اندھارے وچ وی روشنی کھنڈدی اے۔ شہیداں کوں خراج عقیدت پیش کریندے وزیراعلیٰ مریم نواز آکھیا جو سلام انہاں تے جیڑھے امن کیتے اپݨیاں جاناں دا نذرانہ پیش کرتے امر تھی ڳئن، امن صرف جنگ دے ختم تھیوݨ دا ناں کائنی، اے انصاف تے محبت و احترام دے نال جیوݨ دا ݙوجھا ناں اے۔ انہاں مزید آکھیا جو پاکستان امن دا علمبردار اے تے ایں امن کیتے بے پناہ قربانیاں ݙتن۔
.jpg)
