اسلام آباد (اے پی پی) وزیراعظم محمد شہباز شریف الیکٹرک وہیکل دی عام بندے تئیں رسائی کیتے حکومتی سطح تے اقدامات دا جامع لا??حہ عمل بݨاوݨ دی ہدایت کریندے آکھیے جو الیکٹرک وہیکلز دی حوصلہ افزائی نال ایندھن دی مد اچ ارباں ڈالر دے قیمتی زر مبادلہ دی بچت تھیسی، ماحولیاتی تحفظ اچ مدد ملسی اتے مقامی صنعت کوں ودھاوا ملسی۔وزیراعظم دفتردے میڈیا ونگ توں جاری بیان موجب ، وزیراعظم محمد شہباز شریف دی صدارت اچ ملک اچ الیکٹرک وہیکلز دی حوصلہ افزائی، الیکٹرک بائیکس، رکشہ و لوڈر دے گھنݨ اچ حکومتی معاونت تے جائزہ اجلاس تھیا?? اجلاس اچ وفاقی وزراء احد خان چیمہ، عطا اللہ تارڑ، معاون خصوصی ہارون اختر، چیف کوآرڈینیٹر مشرف زیدی اتے متعلقہ اعلیٰ حکام شرکت کیتی۔وزیراعظم الیکٹرک وہیکل دی عام بندے تئیں رسائی کیتے حکومتی سطح تے اقدامات دا جامع لا??حہ عمل بݨاوݨ دی ہدایت کریندے آکھیا جو وفاقی حکومت وفاق سودھے پورے ملک دے تعلیمی بورڈز دے ٹاپرز ک??ں الیکٹرک بائیک ݙیسی، حکومت ترجیحی بنی??دا?? تے روزگار کیتے ایجھے لوکاں ک??ں الیکٹرک رکشے اتے لوڈر ݙیسی جیڑھے بے روزگار ہن۔ انہاں ہدایت کیتی جو ملک اچ الیکٹرک وہیکلز دی تیاری اتے مینٹی ننس کیتے ہک مکمل ایکو سسٹم بݨاوݨ کیتے اقدامات کیتے ونڄن اتے الیکٹرک وہیکلز دی تقسیم اتے ایں اچ حکومتی معاونت دے پورے طریقہ کار دی تھرڈ پارٹی ویلیڈیشن کروائی ونڄے۔انہاں حکومت دی الیکٹرک وہیکل دی حوصلہ افزائی اتے ایں اچ حکومتی معاونت آلی سکیم اچ معاشی طور تے کمزور طبقے نال تعلق رکھݨ آلے لوکاں کوں ترجیح ݙیوݨ اتے الیکٹرک وہیکل گھنݨ اچ حکومتی معاونت دی سکیم بارے عوامی آگاہی مہم چلاوݨ اتے مجوزہ سکیم اچ ݙتی ونڄݨ آلیں الیکٹرک بائیکس، رکشے تے لوڈرز دے بہترین معیار اتے انہاں دے سیفٹی معیار تے پورا لہݨ کوں یقینی بݨاوݨ دی ہدایت کیتی۔اجلاس کوں ملک اچ الیکٹرک وہیکلز دی تیاری دے حوالے نال صنعت دی موجودہ صورتحال اتے عام بندے دی انہاں تئیں رسائی کیتے حکومتی معاونت دے اقدامات تے بریفنگ ݙتی ڳئی?? اجلاس کوں ݙسیا ڳیا جو حکومت الیکٹرک بائیکس، رکشہ اتے لوڈر دے گھٹ لاڳت اتے سوکھیاں شرطاں تے قرض دے ذریعے گھنݨ اچ معاونت کیتے اقدامات کریندی پئی اے، ہک لکھ توں ودھ الیکٹرک بائیکس اتے 3 ہزار توں ودھ رکشے و لوڈرز دے سوکھیاں شرطاں و گھٹ لاڳت گھنݨ اچ عوام کوں حکومتی معاونت کیتی ویسی۔اجلاس کوں ݙسیا ڳیا جو ایں سکیم دے تحت فیڈرل بورڈ سودھے پورے ملک دے تعلیمی بورڈز اچ انٹرمیڈیٹ سطح تے اچّی کارکردگی ݙکھاوݨ آلے طلباء و طالبات کوں مفت الیکٹرک بائیکس ݙتے ویسن?? اجلاس کوں ݙسیا ڳیا جو ایں سکیم اچ تریمتاں دا 25 فیصد خصوصی کوٹہ رکھیا ڳئے جݙاں جو آبادی دے تناسب نال باقی صوبیں دا کوٹہ مختص کیتا ڳئے۔ وزیراعظم بلوچستان دا کوٹہ 10 فیصد تئیں ودھاوݨ دی ہدایت کیتی?? اجلاس کوں ݙسیا ڳیا جو ایں سکیم دی بدولت ملک اچ بیٹری بݨاوݨ آلیاں 4 نویاں کمپنیاں آپݨا آپریشن شروع کریندیاں پئن جیں نال پاکستان اچ نویں کاروباری موقع اتے روزگار ملسی۔ وزیراعظم سکیم دے وختی اجراء کوں یقینی بݨاوݨ دی ہدایت کیتی۔
.jpg)
