اسلام آباد۔16ستمبر(اے پی پی)پاکستان اچ امریکی ناظم الامور نیٹلی بیکر لاہور اتے قصور دے دورے اچ پاکستان دی سیلاب توں بحالی کیتے جاری کوششاں سانڳے امریکی وعدے تے زور ݙتا۔ امریکی سفارت خانے توں جاری بیان دے مطابق ناظم الامور بیکر پنجاب دے ریلیف کمشنر نبیل جاوید نال آپݨی ملاقات اچ پنجاب اچ جاری ہنگامی کوششاں تے ڳالھ مہاڑ کیتی اتے بحالی دیاں انہاں کوششاں اچ امریکہ ولوں آفتاں اچ جان بچاوݨ آلی امدادی شئیں دی لوڑھ کوں اڳونہا کیتا۔ انہاں قصور اچ دریائے ستلج توں سب توں ودھ متاثرہ ضلعیاں دے امدادی کیمپاں اچ بے گھر خانداناں اتے امدادی کارکناں نال ملاقات کیتی۔ ناظم الامور آکھیا جو ضلعی سطح تے کیتیاں ونجݨ آلیاں کوششاں اچ زندگیاں بچاوݨ آلی بحالی، تیکھی امداد، اتے سیلاب توں متاثرہ خانداناں دی مسلسل ݙیکھ ٻھال شامل اے، جیڑھی ہک بہترین مثال ہے۔ ناظم الامور بیکر لاہور اچ آل پاکستان ٹیکسٹائل ملز ایسوسی ایشن (اے پی ٹی ایم اے) دے ممبران اتے کاروبار، حکومت، آئی ٹی، تعلیم، آرٹس، ثقافت اتے ٻئے مختلف شعبیاں دے نینگر پیشہ ور لوکاں نال وی ملاقات کیتی۔ انہاں آکھیا جو اساں امریکہ اتے پاکستان ݙوہیں ملکاں دے لوکاں کیتے نوکریاں دے موقع پیدا کرݨ اتے خوشحالی کوں فروغ ݙیوݨ کیتے بہترین امریکی ٹیکنالوجی، نویاں سوچاں اتے کاروبار گھن آوݨ چاہندے ہیں۔
.jpg)
.jpg)
.jpg)