وفاق اتے سندھ حکومت صورتحال نال نبڑݨ کیتے کوششاں کریندی پئن، این ڈی ایم اے امدادی کارروائیاں کیتے صوبائی حکومت اتے سندھ ڈیزاسٹر مینجمنٹ اتھارٹی نال مکمل تعاون کریسی، وزیراعظم شہباز شریف

2025-09-11 14:00:43

اسلام آباد۔10ستمبر (اے پی پی) وزیراعظم محمد شہباز شریف سندھ خاص طور تے کراچی اچ سیلابی صورتحال دا نوٹس ڳھندیں ہوئیں آکھیا جو وفاق اتے سندھ حکومت صورتحال نال نبݨݨ کیتے کوششاں کریندے پئن، این ڈی ایم اے امدادی کارروائیاں کیتے صوبائی حکومت اتے سندھ ڈیزاسٹر مینجمنٹ اتھارٹی نال مکمل تعاون کریسی، کراچی اچ سیلاب توں متاثرہ خانداناں دی امداد اتے بحالی کیتے ترجیحی اقدامات کیتے ونڄن، سیلاب اچ غائب تھیوݨ آلے لوکاں کوں جلدی توں جلدی لبھیا ونڄے، متاثرہ مواصلاتی نظام دی بحالی کوں یقینی بݨایا ونڄے۔ بدھ کوں وزیراعظم آفس دے میڈیا ونگ توں جاری بیان موجب وزیراعظم کراچی اچ متحرک امدادی کارروائیاں تے ریسکیو 1122، پاک فوج اتے رینجرز دی تعریف کیتی اتے گڈاب ندی اچ شہریاں دے بݙݨ تے افسوس دا اظہار کیتا۔ وزیراعظم ہدایت کیتی جو این ڈی ایم اے کراچی اتے سندھ دے ݙوجھے علاقیاں اچ سیلاب دے پیش نظر امدادی کارروائیاں کیتے صوبائی حکومت اتے سندھ ڈیزاسٹر مینجمنٹ اتھارٹی نال مکمل تعاون کریسی، متعلقہ ادارے سیلاب اچ غائب تھیوݨ آلے لوکاں کوں جلدی توں جلدی لبھݨ، عوام کوں سیلابی صورتحال توں آگاہ کرݨ کیتے آگاہی مہم کوں ٻیا متحرک کیتا ونجے تاں جو ودھ توں ودھ شہری سیلاب توں بچ سڳن۔ وزیراعظم ہدایت کیتی جو سیلاب توں متاثرہ نظام مواصلات دی جلدی توں جلدی بحالی اتے کراچی اچ سیلاب توں متاثرہ ٹٻراں دی امداد اتے بحالی کیتے ترجیحی بنیاداں تے اقدامات کیتے ونڄن۔ انہاں آکھیا جو سیلابی صورتحال نال نبڑݨ کیتے وفاق اتے سندھ حکومت مکمل طور تے متحرک ہن۔

مضمون کا ماخذ : میگا جیک پاٹس: کلیوپیٹرا

متعلقہ مضامین

وفاق اتے سندھ حکومت صورتحال نال نبڑݨ کیتے کوششاں کریندی پئن، این ڈی ایم اے امدادی کارروائیاں کیتے صوبائی حکومت اتے سندھ ڈیزاسٹر مینجمنٹ اتھارٹی نال مکمل تعاون کریسی، وزیراعظم شہباز شریف