اسلام آباد۔24جنوری(اے پی پی) چیئر??ین سینیٹ سید یوسف رضا گیلانی مالیاتی پالیسیاں دی نگرانی اتے استعداد ودھاوݨ دے سلسلے اچ تکڑا فریم ورک بݨاوݨ سانڳے اجتماعی کوششاں تے زورݙتے ۔ سینیٹ سیکرٹریٹ توں جاری اعلامیہ موجب پاکستان اچ یورپی یونین دے وفد آسٹریا اتے آئرلینڈ دی پارلیمنٹ اتے پارلیمانی بجٹ آفسز دے دورے توں پہلے پاکستان دے پارلیمانی وفد دے اعزاز اچ استقبالیہ دا اہتمام کیتا۔ اے دورہ پاکستان اچ پارلیمانی ترقی سانڳے مختص 15 ملین یورو دے یورپی یونین دے فنڈزدے منصوبے دا حصہ اے ۔23 ارکان تے مشتمل اعلیٰ سطحی وفد دی قیادت چیئر??ین سینیٹ سید یوسف رضا گیلانی کریسن۔اعلیٰ سطحی وفد اچ صوبائی اسمبلیاں دے سپیکر، ساریاں سیاسی جماعتاں دے ارکان پارلیمنٹ اتے پارلیمانی سیکرٹریٹ دے سینئر افسر شامل ہوسن ۔ استقبالیہ دی میزبانی پاکستان اچ یورپی یونین دے وفد دی سفیر ڈاکٹر رینا کیونکا کیتی تے ایں منصوبے دے ذریعے پاکستان دی پارلیمانی جمہوریت کوں تکڑا کرݨ سانڳے یورپی یونین دے عزم کوں نشابر کیتے ۔ ایں موقع تے خطاب کریندے یورپی یونین سفیر آکھیے یورپی یونین پاکستان دے جمہوری اداریں کوں تکڑا بݨاوݨ اچ ھک ثابت قدم شراکت دار رہیے ، اے دورہ پاکستانی ارکان پارلیمنٹ کوں آسٹریا اتے آئرلینڈ دے پی بی اودے قیام دے کامیاب تجربے توں سکھݨ دا موقع ݙیسی ۔ اے دورہ پاکستان دی قانون سازی دی استعداد کوں ودھاوݨ سانڳے ھک اہم قدم اے ۔ استقبالیہ توں خطاب کریندے چیئر??ین سینیٹ آکھیے اے دورہ پاکستان تے یورپی یونین وچال تکڑے تے نیڑے تعلقات کوں ظاہر کریندے جیڑھا جمہوری طرز حکمرانی کوں ودھارا ݙیوݨ تے سانجھے چیلنجاں نال نبݨݨ سانڳے س??ݙے سانجھے عزم کوں اجاگر کرݨ اچ مددگار ثابت تھیسی ، انہاں آکھیے آسٹریا تے آئرلینڈ اچ نافذ کیتے ڳئے کامیاب پارلیمانی بجٹ آفس (پی بی او) ماڈلز توں سکھ تے ، ساݙا مقصد پاکستان اچ ھک ایجھا فریم ورک بݨاوݨا اے جیڑھا شفاف??ت، احتساب اتے مالی ذمہ واری کوں ودھارا ݙیسی ، انہاں آئرلینڈ تے آسٹریا دی پارلیماناں تے انہاں دی قیادت کوں انہاں دے انمول تعاون تے حمایت تے دلوں خراج تحسین پیش کیتے تے آکھیے جمہوری اداریں کوں تکڑا کرݨ تے ذمہ دارانہ طرز حکمرانی ودھاوݨ سانڳے عملی معلومات اتے بہترین طریقہ کار ݙیوݨ اچ مددگار ثابت تھیسی ، ایں دورے اچ آسٹریا اتے آئرش پی بی اوز دے آپریشنل ماڈلز دا مشاہدہ کرݨ تے توجہ ݙتی ویسی ۔ پاکستان اچ آسٹریا دی سفیر اینڈریا وک آکھیے پی بی اوزدے قیام توں احتساب اتے شفافیت کوں طاقت ملدی اے اساکوں پاکستان دے وفد دی میزبانی کرݨ تے ھک خودمختار بجٹ آفس بݨاوݨ اچ آسٹریا دے سفر کوں شیئر کرݨ تے خوشی اے۔ پاکستان اچ آئرلینڈ دے نائب سفیر ڈیکلن جانسٹن آکھیے کہیں وی پارلیمنٹ کوں آپݨے مینڈیٹ کوں پورا کرݨ اچ ??ہو??ت ݙیوݨ سانڳے چنڳی طرح توں باخبر تے معیاری آزادانہ تجزیہ ٻہوں ضروری اے ۔ آئرلینڈ دا پارلیمانی بجٹ آفس 2017 اچ بݨایا ڳیا ہئی تے س??ݙے ارکان پارلیمنٹ کوں آزاد اتے غیر جانبدارانہ معلومات، تجزیہ تے معاونت ݙیندے کیوں جو او اڄ دے اہم معاشی سوالاں تے مسئلیں کوں حل کریندن ، اساں پاکستانی پارلیمنٹیرینز نال آپݨے تجربے شیئر کرݨ دا موقع پاتے ٻہوں پرجوش ہیس ، کیوں جو او ایویں آپݨے حلقیں سانڳے اعلیٰ معیار تے موثر اقتصادی قانون سازی تے پالیسی ݙیوݨ چاہندوں ، اے دورہ شرکا کوں پاکستان اچ پی بی او دے قیام سانڳے ھک ایکشن پلان تیار کرݨ دے قابل وی بݨیسی تے ایں دورے اچ آسٹریا تے آئرلینڈ دے بہترین طریقیں دا ݙسایا ویسی۔
.jpg)
