اسلام آباد۔20فروری(اے پی پی)وفاقی وزیر ??طلاعات، نشریات، قومی ورثہ و ثقافت عطاءاللہ تارڑ آکھیے جو پی ٹی آئی دے شرپسند ٹولے کوں پاکستان دی ترقی، عزت ?? وقار ودھدا اتے برطانیہ اچ آرمی چیف دا پرتپاک استقبال نئیں ٻھاندا پیا، انتشاری ٹولہ ٻھاویں جو کڄھ کر ڳھنے، پاکستان ایویں ترقی کریندا رہسی۔ میڈیا نال الیندے انہاں اکھیا جو پاکستان ترقی دیاں پوڑیاں چڑھدا پئے، معشیت اتے معاشی اعشاریے بہتر تھیندے پن، ترسیلات زر ودھدے پن اتے بیرون ملک پاکستانی ترسیلات بھجوا تے اپݨی محبت اتے حب الوطنی ݙسیندن ٻھل پی ٹی آئی دا شرپسند ٹولہ پاکستان نال دشمنی دا کوئی موقع نئیں ونڄݨ ݙیندا، پہلے نفرتانب کھنݙائن، دفاعی تنصیبات کوں نشانہ ٻݨائے، شہداء دیاں یادگاراں ݙھوائن۔ انہاں آکھیا جو وطن دی راہ تے ملکی سلامتی و دفاع کیتے جاناں ݙیوݨ آلیاں نال کیکوں دشمنی تھی سڳدی اے؟ تحریک انصاف ملک دشمن ایجنڈے تے چلدی پئی اے ڄئیں پاکستان دے دفاع کوں نقصان پچا تے دشمن دا خواب پورا کرݨ دی کوشش کیتی اے، دہشتگرداں کوں ولا ایہے ڳھن آئن، بانی چیئرمین پی ٹی آئی دہشت گرداں دی مکمل حمایت کریندے رہین، دہشت گردی واق??ات دے ذمہ دار وی ایہے لوک ہی?? جنہاں دہشتگداں کوں اتھاں آن وسائے، آئی ایم ایف کوں خط لکھݨ ملک دشمنی آلی ڳالھ اے۔ وزیر ??طلا??ات و نشریات آکھیا جو دورہ برطانیہ اچ آرمی چیف کوں رائل ملٹری اکیڈمی اچ گارڈ آف آنر ݙتا ڳئے اتے شاندار استقبال کیتا ڳئے اتے اے تحریک انتشار کوں ہضم نئیں تھیندی پئی۔انہاں آکھیا جو اوورسیز پاکستانی پاک فوج، ریاست اتے پاکستان دی معیشت دے نال کھڑن، ترسیلات اچ ریکارڈ اضافہ ثبوت اے جو اوورسیز پاکستانیز وطن نال کیویں محبت رکھدن۔ انہاں آکھیا جو پی ٹی آئی دا ایجنڈا پاکستان کوں نقصان پچاوݨ، آئیڈیالوجی پاکستان دے خلاف اے ڄیڑھے ہمیشہ پاکستان دے خلاف رہین، محب وطن پاکستانیاں انہاں دے کوڑے سوشل میڈیا پروپیگنڈے کوں مسترد کر ݙتے، جو کوئی وی پاکستان دی سالمیت، بقاء اتے مفاد کوں نقصان پچیسی انہاں نال سختی نا?? نمٹیا ویسی اتے قانون دے مطابق کارروائی تھیسی۔ وزیر ??طلا??ات آکھیا جو انتشاری ٹولے دی پاکستان دی ساکھ خراب کرݨ دیاں کوششاں ناکام تھیسن، تحریک انصاف دی سیاست زوال دا شکار اے اتے انہاں کولو کوئی نواں ایجنڈا کائنی، ساݙی فوج دی پیشہ وارانہ صلاحیتاں دی پوری دنیا معترف اے، اللہ جو عزت ݙیوݨی ہو او مل تے راہندی اے، پاکستان ترقی کریندا رہسی۔
.jpg)
