ابوظہبی۔ 25 جون (اے پی پی) پاکستان اَتے متحدہ عرب امارات دے سانجھے وزارتی کمیشن (جے ایم سی) دا 12واں اجلاس ابوظہبی اچ تھیا۔ اجلاس دی سانجھی صدارت نائب وزیراعظم اَتے وزیر خارجہ سینیٹر محمد اسحاق ڈار اَتے متحدہ عرب امارات دے نائب وزیراعظم اَتے وزیر خارجہ شیخ عبداللہ بن زید النہیان ک??تی??بدھ کوں دفتر خارجہ دے بیان موجب رسمی کاروائی توں پہلے جے ایم سی دے ورکنگ گروپ دا اجلاس وزیراعظم دے معاون خصوصی طارق باجوہ اَتے متحدہ عرب امارات دے وزیر مملکت احمد علی الصیغ دی سربراہی اچ تھیا۔ جے ایم سی ݙو پاسہ تعلقات دے پورے دائرہ کار دا جائزہ ڳِھدا اَتے تجارت، بینکنگ، ثقافت، سرمایہ کاری، ہوا بازی، ریلوے، توانائی، خوراک دی حفاظت، موسمیاتی تبدیلی، دفاع، صحت دی ݙیکھ بھال، افرادی قوت، اعلیٰ تعلیم اَتے انفارمیشن ٹیکنالوجی اچ تعاون کوں مضبوط بݨاوݨ کیتے ٹھوس اقدامات تے اتفاق کیتا۔ ݙوہیں پاسوں ادارہ جاتی میکانزم کوں ودھاوݨ اَتے بین وزارتی رابطہ کاری کوں فروغ ݙیوݨ تے زور ݙتا۔ آپسی افہام و تفہیم اَتے بھائی چارے دی فض?? اچ تھیوݨ آلے اجلاس اچ علاقائی اَتے عالمی پیشرفت تے ڳالھ مہاڑ کیتی ڳئی۔ ݙوہیں پاسوں خطے اچ امن اَتے استحکام کیتے آپݨے عزم دا اعادہ کیتا۔فالو اپ کارروائیاں کیتے طریقہ کار دے فریم ورک دے پروٹوکول، سیکٹرل ورکنگ گروپس دے ذریعے کوآرڈینیشن اَتے آپسی دوریاں کیتے سہولت تے وی دستخط کیتے ڳئے۔ سیشن دے پروٹوکول دے علاوہ “انٹری ویزا دے تقاضیاں دے آپسی استثنیٰ” اَتے “سرمایہ کاری کوں فروغ ݙیوݨ کیتے سانجھی ٹاسک فورس دے قیام” دے نال نال “مصنوعی ذہانت اَتے ڈیجیٹل اکانومی” دے معاہدے تے وی دستخط کیتے ڳئے۔فریقاں نتائج تے اطمینان دا اظہار کیتا اَتے پاکستان اچ جے ایم سی دا 13واں اجلاس آپسی طور تے طے شدہ تاریخاں تے کرݨ تے اتفاق کیتا۔ بیان موجب جے ایم سی سیشن دا کامیاب انعقاد پاکستان اَتے متحدہ عرب امارات وچال کثیر جہتی تعلقات اَتے ہک متحرک اَتے ترقی ??سند شراکت داری کیتے انہاں دے سانجھے وژن دی نشاندہی کریندے۔
