اسلام آباد۔ 3 جون (اے پی پی) وفاقی وزیر صحت مصطفیٰ کمال آکھیے جو پولیو مکاوݨ اساݙا قومی مقصد اے، اڄوکی پولیو مہم دے دوران 4 کروڑ 50 لکھ توں ودھ ٻالاں کوں پولیو توں بچاوݨ دے قطرے پلائے ڳئن، ٻالاں کوں پولیو توں محفوظ رکھݨ اساݙی اجتماعی قومی ذمہ واری اے۔ اے ڳالھ انہاں انسداد پولیو دے حوالے نال اہم جائزہ اجلاس اچ آکھی جیندے اچ اڄوکی قومی پولیو مہم دا جامع اَتے تفصیلی جائزہ ڳھدا ??ئے?? نیشنل اَتے صوبائی کوآرڈینیٹرز انسداد پولیو دے اقدامات، پیشرفت اَتے چیلنجز توں آگاہ کیتا۔ وفاقی وزیر آکھیے جو والدین خو?? پولیو ورکرز کوں لبھن اَتے اپݨے ٻالاں دی حفاظت یقینی بݨاون، روزِ قیامت اساکوں اپݨے ٻالاں دی صحت کیتے جواب ݙیوݨا پوسی۔ انہاں آکھیے جو والدین اپݨے ٻالاں دے دشمن نہ بݨن کیونجو دنیا اَتے آخرت اچ اساں جواب ݙیوݨا اے، اے ملک اساݙا اے اَتے اے ٻال اساݙی سَاریں توں وݙی ذمہ واری ہن، کینسر دا علاج ممکن اے لیکن پولیو ہݨ وی لاعلاج بیماری اے۔ انہاں آکھیے جو منفی سوچ کوں دل توں کڈھو اَتے اپݨے ٻالاں کوں ایں مہلک مرض توں بچاؤ، ویلھا آ ڳئے جو اساں اپݨی پالیسی اچ خاطر خو??ہ اَتے نمایاں تبدیلی کروں، معاشرے دے سارے طبقیں کوں ایں مہم دا حصہ بݨاوݨ ناگزیر اے، دنیا دیاں اکھیں اساݙے تے ہن اَتے اساکوں ایں بیماری کوں ہمیشہ کیتے مکاوݨا ہوسی۔ انہاں آکھیے جو دنیا اچ ہݨ صرف ݙو ملک باقی ہن جتھاں پولیو وائرس ہݨ وی موجود اے، افغانستان اچ وݙے پیمانے تے مہم جاری اے، افغانستان اچ طالبان دی حکومت وݙے موثر انداز اچ پولیو مہم دا انعقاد کریندی پئی اے، میݙی خو??ہش اے جو اساں ݙوہیں ملک ہکے ویلھے پولیو توں پاک ملک بݨ ونڄوں، جیکر اساں ہک قوم دے طور تے بھارت کوں شکست ݙے سڳدوں تاں پولیو کوں وی شکست ݙے سڳدوں ۔ انہاں آکھیے جو جیکر فلسطین جنگ دی حالت اچ ہووݨ دے باوجود پولیو توں پاک اے تاں اساں کِیہڑی چیز دا انتظار کریندے پیوں ؟ اجلاس اچ وزیراعظم دی فوکل پرسن انسداد پولیو عائشہ رضا فاروق سودھے سپیشل سیکرٹری ہیلتھ، ایڈیشنل سیکرٹری ہیلتھ، نیشنل کوآرڈینیٹر پولیو، ڈبلیو ایچ او، یونیسیف اَتے ٻئے سٹیک ہولڈرز شرکت کیتی۔
.jpg)
