پاکستان تے ملائیشیا وچال مختلف شعبیاں اچ تعاون دے معاہدے تے ایم او یوز تے دستخط، ڈوہیں ملکاں دے وزرائے اعظم دی سانجھی پریس کانفرنس، وزیراعظم شہباز شریف دا پاکستان کنوں 20 کروڑ ڈالر دے گوشت دی درآمد دے فیصلے دا خیرمقدم

پترا جایا، 6 اکتوبر (اے پی پی) وزیراعظم محمد شہباز شریف ملائیشیا دے وزیراعظم دے پاکستان کنوں 20 کروڑ ڈالر مالیت دے حلال گوشت دی درآمد دے فیصلے دا خیرمقدم کریندیں ہوئے آکھیا جو او انفارمیشن ٹیکنالوجی، مصنوعی ذہانت تے معاشی ترقی دے ٻئے شعبیاں وچ ملائیشیا دے وسیع تجربات کنوں فیدہ چاوݨ تے مشترکہ منصوبے شروع کرݨ دے خواہاں ہن۔ پاکستان تے ملائیشیا وچ??ل اعلیٰ تعلیم، سیاحت، حلال سرٹیفیکیشن، بدعنوانی دی روک تھام تے چھوٹے تے درمیانے درجے دے کاروبار دی ترقی دے شعبیاں وچ ݙو پاسہ تعاون دے فروغ کیتے معاہدے تے مفاہمت دی یا??دا??تاں تے دستخط تھئن جݙاں جو ملائیشیا دے وزیراعظم انور ابراہیم برصغیر پاک و ہند وچ امن دے قیام کوں خطے کیتے بہت اہمیت دا حامل قرار ݙیندیں ہوئیں آکھیا جو دہشت گردی دے خلاف مشترکہ کوششاں کیتی ویسن، فلسطین تے غزہ دے معاملے تے پاکستان دے موقف کوں سَراہندن، اساݙا مشترکہ موقف پائیدار امن دے حصول اچ مددگار ثابت تھیسی۔سنوار کوں اتھاں پاکستان تے ملائیشیا وچال مختلف شعبیاں اچ ݙوپاسہ تعاون دے معاہدے تے مفاہمت دی یا??دا??تاں تے دستخطاں دے بعد آپݨے ملائیشیائی ہم منصب انور ابراہیم دے نال مشترکہ پریس کانفرنس کنوں خطاب کریندیں ہوئیں وزیراعظم محمد شہباز شریف ملائیشیا کوں اپݨا ݙوجھا گھر قرار ݙیندے ہوئیں آکھیا جو او پاکستان دی عوام تے اپݨے وفد دے ارکان ولوں ملائیشیا اچ والہانہ استقبال تے وزیراعظم دا شکریہ ادا کریندن۔ انہاں آکھیا جو ملائیشیا دا اے میݙا پہلا دورہ اے پر ایویں محسوس تھیندے جو میں انتہائی بھراویں وانگوں تے سڳے چہریاں نال ملدا پئیاں تے اساں سالاں کنوں ہک ݙوجھے کوں ڄاݨدوں، ایں کنوں خلوص تے سچی دوستی دی عکاسی تھیندی اے۔وزیراعظم ملائیشیا دے وزیراعظم انور ابراہیم کوں مخاطب کریندیں ہوئیں آکھیا جو تہاݙے اچ عظیم خوبیاں ہن، تہاݙا مدنی وژن تہاݙی قائدانہ صلاحیتاں دا مظہر اے، تساں آپݨے پورے سیاسی کیریئر اچ بے پناہ حوصلے، صبر تے ہمت دا مظاہرہ کیتے، ملائیشیا تہاݙی بصیرت افروز قیادت اچ خطے تے دنیا اچ مثالی ترقی کریندا پئے، ملائیشیا کوں ترقی یافتہ ملک بݨاوݨ وچ انور ابراہیم دا اہم کردار اے۔وزیراعظم آکھیا جو اساݙی انتہائی تعمیری تے مفید ڳالھ مہاڑ تھئی تے اساں ݙوپاسہ تعلقات تے بین الاقوامی معاملات تے خیال دا تبادلہ کیتے تے میکوں ایں ڳالھ تے خوشی اے جو سارے اہم معاملات تے اساݙے خیالات ہک وانگوں ہن۔ وزیراعظم آکھیا جو ملائیشیا دے وزیراعظم دا پاکستان دا پچھلے سال دا دورہ ݙوپسہ تعلقات کوں مضبوط بݨاوݨ دے حوالے نال ہک یادگار دورہ ہئی تے ایں کنوں پاکستان دی عوام کیتے انہاں دے دل وچ موجود محبت تے خلوص دے جذبات دی عکاسی تھئی۔ملائیشیا دے وزیراعظم کوں مخاطب کریندیں ہوئے وزیراعظم آکھا جو پاکستان کیتے تساں کوئی اجنبی کائنی، تساں اتھاں بہت ویلھا گزاریے، اتھاں آپݨی تعلیم حاصل کیتی، کراچی، لاہور شالیمار باغ کوں تساں چنگی طرح ڄاݨدو اتے تہاݙی اردو وی ٻہوں چنگی اے۔ وزیراعظم آکھیا جو میکوں خوشی اے جو تساں ایں وژن دا اظہار کیتے جو اساں کین٘ویں آپسی معاشی تے تجارتی روابط کوں فروغ ݙے سڳدوں اتے مشترکہ منصوبے اڳوں تے ودھ سڳدن ا??ے کین٘ویں ملائیشیا دے سرمایہ کاراں ولوں پاکستان اچ سرمایہ کاری تے پاکستان دے سرمایہ کاراں دی طرف کنوں ملائیشیا اچ سرمایہ کاری کوں ودھا سڳدوں۔

وزیراعظم آکھیا جو اساں آئی ٹی، مصنوعی ذہانت تے معاشی ترقی سودھے مختلف شعبیاں اچ ملائیشیا دے وسیع تجربات کنوں فائدہ چاوݨ چاہندوں جنہاں اچ ملائیشیا شاندار کارکردگی ݙکھائی اے۔ وزیراعظم آکھیا جو ملائیشیا دی جی ڈی پی اطمینان بخش طور تے ودھدی پئی اے، اساݙی عالمی تجارت تے برآمدات اچ ودھارا تھیندا پئے، اے او شعبے ہن جنہاں اچ پاکستان ملائیشیا دے تجربیاں کنوں فائدہ چاوݨ چاہندے۔ وزیراعظم آکھیا جو پاکستان باہمی طور تے مشترکہ منصوبے شروع کرݨ وی چاہندے جتھاں ملائیشیا تے پاکستان دے ماہرین رل تے کم کرن، ہک ݙوجھے دے نال تعاون کرن ا??ے ایں سلسلے اچ زراعت، آئی ٹی، فنی تے پیشہ ورانہ تربیت سویں شعبے اہم ہن، فنی تربیت دے شعبے اچ پاکستان اچ شاندار کم تھیندا پئے، ہزاراں پاکستانی طالب علم ملائیشیا اچ قومی تعمیر اچ پوری ذمہ داریاں ادا کریندے پئن، ملائیشیا اچ تقریباً ڈیڈھ لکھ پاکستانی کم کریندے پئن، ایں کنوں اساکوں بہت حوصلہ تے امید ملدی اے جو اساں ایں کنوں فیدہ چا تے رل تے آپݨی معیشتاں کوں مضبوط بݨا سڳدوں جنہاں کنوں ڈوہیں ملکاں کوں برابر دے فیدے حاصل تھیسن۔وزیراعظم آکھیا جو ملائیشیا دے وزیراعظم پاکستان کنوں گوشت دی درآمد کیتے 20 کروڑ ڈالر دے کوٹے دا اعلان کیتےجئیں تے میں انہاں دا شکریہ ادا کرینداں تے ملائیشیا دے درآمد کنندگان تے عہدے داراں تے واضح کرینداں جو ملائیشیا کیتے گوشت دی برآمد دے کوٹے کوں مارکیٹ پرائس میکنزم تے ملائیشیا دی کسٹم اتھارٹیز، ملائیشیا دی فوڈ اتھارٹیز تے ملائیشیا دے صارفین کیتے درکار حلال سرٹیفیکیشن دے تحت ریگولیٹ کیتا ویسی، میں تساکوں یقین ݙوینداں تے ضمانت ݙینداں جو تہاݙی ساری شرطاں تے تقاضے پورے کیتے ویسن تے انشاءاللہ ویلھے دے نال ن??ل ایں کوٹے اچ ٻیا اضافہ تھیسی۔

وزیراعظم شہباز شریف ملائیشیا دے وزیراعظم دی کتاب “سکرپٹ” دی تعریف کریندیں ہوئیں آکھیا جو اساں وزیراعظم انور ابراہیم دی کتاب “سکرپٹ” دی رونمائی کیتی اے، اے کتاب کوالالمپور، اسلام آباد، لاہور، کراچی، پشاور تے کوئٹہ وچال پل دا کردار ادا کریسی، “سکرپٹ” انہاں دے مدنی وژن دا رہنما فریم ورک اے، اے پائیداری، آپسی احترام، جدیدیت، تحقیق تے ترقی، خوشحالی تے آپسی اعتماد دا وژن اے اے موجودہ تے اڳوں آوݨ آلی نسلاں کیتے فیدہ مند ثابت تھیسی۔ وزیراعظم آکھیا جو پچھلے سال علامہ اقبال دی شاعری شکوہ، جواب شکوہ، اسرار خودی تے اسلام دی تعلیمات کوں جدید دور دے تقاضیاں دے مطابق سمجھݨ دے حوالے نال مواد دا ملائیشیا اچ ترجمہ تے ایں کوں شیئر کیتا ڳیا جئیں کنوں ڈوہیں ملکاں وچال فکری تبادلے دی نویں راہ کُھل ڳئن۔ وزیراعظم ملائیشیائی ہم منصب دے مطالبے تے علامہ اقبال دے اے شعر وی پڑھیے “خودی کو کر بلند اتنا کہ ہر تقدیر سے پہلے۔۔۔ خدا بندے سے خود پوچھے بتا تیری رضا کیا ہے”۔ وزیراعظم آکھا جو قوماں معجزیاں نال کائنی انتھک محنت تے غیر متزلزل عزم نال بݨدن۔ وزیراعظم آکھیا جو کل جݙاں او ایں عظیم ملک، آپݨے ݙوجھے گھر، کنوں اسلام آباد روانہ تھیسن تاں پہلے کنوں زیادہ مطمئن تے متاثر تھیسن تے عظیم قوم تے عظیم قیادت کنوں اے سبق گھن تے ویسن جو اساں پاکستان کوں ملائیشیا وانگوں ترقی یافتہ بݨاوݨے۔ انہاں آکھا جو 24 کروڑ عوام تے مشتمل اساݙی قوم ہک عظیم قوم اے اتے اساݙی آبادی دا ہک وݙا حصہ جواناں تے مشتمل اے جنہاں دی عمر 15 سال کنوں 30 سال دے درمیان اے، الحمدللہ او انتہائی ذہین تے باصلاحیت ہن، اساں انہاں کوں پورے مواقع ݙیندے پئیوں تاںجو او مختلف شعبیاں اچ جدید تعلیم تے ٹیکنالوجی کنوں مستفید تھی سڳن، ایں اچ میکوں کوئی شک کائنی جو او پاکستان دے عظیم معمار بݨسن۔ وزیراعظم آکھیا جو ملائیشیا تے پاکستان دی کاروباری شخصیات دی وی ملاقات تھیندی پئی اے، میݙی دعا اے جو عظیم دیس ملائیشیا ایویں ای خوشحالی تے ترقی کرندا راہوے، پاکستان ملائیشیا دی شراکت دے نال ترقی تے خوشحالی دا پندھ طے کریسی۔ انہاں آکھیا جو پاکستان کوں اللہ تعالیٰ بے پناہ معدنی تے قدرتی وسائل، پاݨی، سَمندر، پہاڑ، زرخیز زمین سویں نعمتاں نال مالا مال کیتا ہوئے اتے اساں اڳوں ٹُرݨ دا عزم رکھیندوں۔

ملائیشیا دے وزیراعظم انور ابراہیم پاکستان کنوں حلال گوشت دی درآمد کیتے 20 کروڑ ڈالر دا کوٹہ مختص کرݨ دا اعلان کریندیں ہوئے آکھیا جو ڈوہیں ملکاں وچال دفاع، توانائی، گرین ٹیکنالوجی تے ٻئے شعبیاں اچ ݙوپاسہ تعاون کوں فروغ ݙیوݨ چاہندن، پاکستان دے پروفیشنلز تے ورکرز دی خدمات کوں سَراہندن، پاکستانی طالب علم اساݙی یونیورسٹیاں اچ تعلیم گھندے پئن، پاکستان کنوں چاول تے گوشت دی برآمدات اچ اساں سہولت فراہم کریسوں تے ایں کیتے جو وی ضروری تھیا کیتا ویسی۔ انہاں آکھیا جو شہباز شریف میݙے بھرا ہن، پاکستان اچ بہت استعداد اے، اساں ݙوپاسہ تعاون کوں فروغ ݙے سڳدوں۔ انہاں برصغیر پاک و ہند اچ امن دے قیام کوں خطے کیتے اہمیت دا حامل قرار ݙیندیں ہوئیں آکھیا جو دہشت گردی دے خلاف مشترکہ کوششاں کیتی ویسن، فلسطین تے غزہ دے معاملے تے پاکستان دے موقف کوں سَراہندن، ڈوہیں ملکاں دا مشترکہ موقف اے جو ایں مسئلے کوں حل تھیوݨاں چاہیدے اتے ایں حوالے ن??ل اساݙے کول ٹھوس تجاویز ہن، صدر ڈونلڈ ٹرمپ دے 20 نکاتی اقدام کوں امن کیتے مفید سمجھدوں، ایں حوالے ن??ل اگرچہ ملائیشیا دے کجھ خدشات ہن پر خاص طور تے غزہ تے اسرائیلی بمباری دے خاتمے تے اموات روکݨ دے معاملے تے عرب، اسلامی تے دنیا بھر دے ملکاں دا موقف بالکل واضح ??ے، انشاءاللہ امن دا مقصد حاصل تھیسی۔ انہاں آکھا جو غزہ اچ انسانی ہمدردی دی بنیاد تے رسائی ضروری اے کیوں جو تریمتاں تے ٻال بمباری دا سامھے ہن، 2025ء اچ ایندا تصور وی نئی کیتا ون٘ڄ سڳدا، اے بالکل حماقت اے۔ انہاں آکھیا جو ایں امن اقدام کیتے اساݙا مشترکہ موقف پائیدار امن دے حصول اچ مددگار ثابت تھیسی۔ انہاں آکھیا جو علامہ اقبال دی کتاباں اسرار خودی تے جاوید نامہ بہت اہم ہن، علامہ دی اسلام کیتے بہت خدمتاں ہن، ہک دستاویزی فلم وی ݙکھائی ویسی تاںجو لوکاں کوں علامہ محمد اقبال تے قائد اعظم محمد علی جناح دی خدمتاں بارے اچ آگاہی تھی سڳے۔ ملائیشیا دے وزیراعظم وزیراعظم محمد شہباز شریف کوں مخاطب کریندیں ہوئیں آکھیا جو تساں کوں آپݨے ݙوجھے گھر آوݨ تے خوش آمدید آکھدوں۔ایں کنوں پہلے پاکستان تے ملائیشیا وچ??ل اعلیٰ تعلیم، سیاحت، حلال سرٹیفکیشن، بدعنوانی دی روک تھام تے چھوٹے تے درمیانے درجے دے کاروبار دی ترقی دے شعبیاں اچ تعاون دے فروغ کیتے معاہدے تے مفاہمت دی یا??دا??تاں تے دستخط کیتے ڳئے۔ وزیراعظم محمد شہباز شریف تے ملائیشیا دے وزیراعظم انور ابراہیم وی ایں موقعے تے موجود ہن۔ پاکستان تے ملائیشیا وچ??ل اعلیٰ تعلیم دے شعبے اچ تعاون کیتے ملائیشیا دے اعلیٰ تعلیم دے وزیر تے پاکستان دے فوڈ سیکیورٹی اینڈ ریسرچ دے وزیر رانا تنویر حسین مفاہمت دی یا??دا??ت دا تبادلہ کیتا، سیاحت دے شعبے اچ تعاون دے فروغ کیتے ملائیشیا دے سیاحت تے ثقافت دے وزیر تے پاکستان دے وفاقی وزیر اطلاعات و نشریات عطا اللہ تارڑ مفاہمت دی یا??دا??ت دا تبادلہ کیتا، حلال سرٹیفیکیشن اچ تعاون کیتے ملائیشیا دے مذہبی امور دے وزیر تے پاکستان دے وزیر تجارت جام کمال خان مفاہمت دی یا??دا??ت دا تبادلہ کیتا، بدعنوانی دے خاتمے اچ تعاون کیتے ملائیشیا دے اینٹی کرپشن کمیشن دے چیف کمشنر تے ڈپٹی چیئرمین نیب مفاہمت دی یا??دا??ت دا تبادلہ کیتا۔ سی ای او، ایس ایم ای ڈیویلپمنٹ اتھارٹی آف پاکستان تے وزیراعظم دے معاون خصوصی برائے بین الاقوامی تعلقات طارق فاطمی  ایس ایم ای ڈیویلپمنٹ اتھارٹی آف پاکستان تے سم??ل اینڈ میڈیم انٹرپرائزز ڈیویلپمنٹ اتھارٹی آف پاکستان وچال تعاون کیتے مفاہمت دی یا??دا??ت دا تبادلہ کیتا، سفارتکاراں دی تربیت دے حوالے نال نوٹس دا تبادلہ وی کیتا ڳیا۔ایں کنوں پہلے وزیراعظم محمد شہباز شریف ملائیشیا دے وزیراعظم انور ابراہیم دی کتاب “سکرپٹ” دے اردو ترجمے دی تقریب رونمائی اچ شرکت کیتی تے کتاب دی رونمائی کیتی۔