اسلام آباد۔17ستمبر(اے پی پی) ریلوے دے پورے ملک دے 8 ڈویژنز اچ سولرائزیشن اتے نیوٹریشن دے اقدامات دے نتیجے اچ 87 کروڑ 46 لکھ 60 ہزار روپے دی بچت ریکارڈ کیتی ڳئی اے۔اے اعداد و شمار وزیر ریلوے محمد حنیف عباسی دی صدارت اچ تھیوݨ آلے اہم اجلاس اچ پیش کیتے ڳئن ۔ اجلاس کوں بریفنگ اچ ݙسایا ڳیا جو گزریل اٹھ مہینے اچ میٹرائزیشن اتے سولرائزیشن جیھے جدید اقدامات پاروں ریلوے کوں بجلی دی مد اچ ارباں روپے دی بچت ممکن تھئی جݙاں جو بجلی چوری مؤثر طریقے نال روکݨ توں وی ادارے کوں شاندار کامیابی ملی ۔ تفصیل موجب لاہور ریلوے ڈویژن اچ 416.6 ملین روپے، لاہور ورکشاپ مغلپورہ اچ 243 ملین روپے، راولپنڈی ڈویژن اچ 75 ملین روپے اتے کوئٹہ ڈویژن اچ 38 ملین روپے دی بچت تھئی۔ ایویں کراچی ڈویژن اچ 26 ملین روپے، سکھراچ 60 ملین روپے، ملتان اچ 9.6 ملین روپے جݙاں جو پشاور ڈویژن اچ 6.46 ملین روپے دی بچت ریکارڈ کیتی ڳئی۔وزیر ریلوے اجلاس توں خطاب کریندے آکھیے جو بجلی چوری تے زیرو ٹالرنس دی پالیسی اپنائی ڳئی اے اتے جیڑھا وی بجلی چوری کریسی او سدھا جیل ویسی ۔ انہاں مزید آکھیے جدید اقدامات توں ریلوے دے خرچے گھٹ تے شفافیت ودھی اے جݙاں جو ادارے اچ اصلاحات دا عمل جاری رہسی۔
.jpg)
