اسلام آباد۔ 15 جون (اے پی پی) وزیر خزانہ محمد اورنگزیب آکھیے جو پاکستان ڈیجیٹل اثاثیں کوں اپناوݨ، انہاں دی ترقی وچ گلوبل ساؤتھ دی قیادت، ڈیجیٹل معیشت وچ جدت، ریگول??شن اتے جامع ترقی کیتے اعلیٰ معیار قائم کرݨ دا خواہشمند اے، بٹ کوائن کوں پاکستان دے خودمختار ذخیرے، مالیاتی استحکام اتے طویل المدتی ڈیجیٹل معاشی تبدیلی دے ہک اہم ذریعے دے طور تے ݙیکھدوں ۔ اے ڳالھ وزیر خزانہ محمد اورنگزیب وزیر مملکت کرپٹو اتے بلاک چین بلال بن ثاقب اتے سابقہ مائیکرو اسٹریٹیجی دے ایگزیکٹو چیئرمین آف اسٹریٹیجی مائیکل سیلر نال ہک اعلیٰ سطحی اجلاس اچ آکھی۔وزارت خزانہ توں جاری اعلامیہ موجب، انہاں پاکستان دے ڈیجیٹل اثاثیں اتے معاشی جدت دے عزم دا واضح اظہار کریندے آکھیے جو مائیکل سیلر دی کمپنی دنیا وچ بٹ کوائن دا ساریں توں وݙا کارپوریٹ ہولڈر اے۔ اجلاس دے دوران ڳالھ مہاڑ دا محور اے ہئی جو بٹ کوائن کوں پاکستان دے خودمختار ذخیرے، مالیاتی استحکام اتے طویل المدتی ڈیجیٹل معاشی تبدیلی کیتے ہک اہم ذریعے دے طور تے کیویں استعمال کیتا ونڄ سڳدے۔مائیکل سیلر دا بٹ کوائن دا نقطہ نظر وائٹ ہاؤس، کیپیٹل ہل اتے امریکہ دے معروف تھنک ٹینکس وچ بحث دا حصہ بݨیا اتے او عالمی مالیاتی حکمت عملی وچ ساریں توں زیادہ بااثر آوازاں وچوں ہک نمایاں آواز بݨ تے ابھرئن ۔ انہاں دی وکالت ٹرمپ دور دے معاشی خودمختاری، مالیاتی طاقت دی غیر مرکزیت اتے سخت ڈیجیٹل اثاثیں دے ذریعے طویل المدتی قومی طاقت وچ سرمایہ کاری دے وژن دی بازگشت وی اے۔سیلر دی کامیابی دی کہانی بے مثال اے۔ انہاں کوں بٹ کوائن دی ادارہ جاتی سطح تے اپناوݨ وچ ساریں توں ودھ بااثر آوازاں وچوں ہک سمجھیا ویندے۔ انہاں دی قیادت وچ، ہک روایتی انٹرپرائز سافٹ ویئر فرم توں تبدیل تھی تے مائیکرو اسٹریٹیجی دنیا وچ بٹ کوائن دا ساریں توں وݙا کارپوریٹ ہولڈر بݨ چُکی اے۔ 2020 وچ اپݨی بٹ کوائن حکمت عملی دے آغاز دے بعد کمپنی تقریباً 5 لکھ 82 ہزار بٹ کوائنز (582,000 BTC) حاصل کیتے جیڑھے جو جون 2025 تئیں 62 ارب ڈالر توں زیادہ دی مالیت رکھیندن ۔ ایں جارحانہ حکمت عملی اسٹریٹیجی دی مارکیٹ کیپٹلائز??شن کوں 1.2 ارب ڈالر توں ودھا تے 105 ارب ڈالر توں زیادہ وسعت ݙتی اے اتے ایں کوں ایں ڈیہاڑی وچ بہترین کارکردگی ݙکھاوݨ آلی ٹیک سٹاکس وچوں ہک بݨا ݙتے۔
.jpg)
