اسلام آباد۔31جولائی (اے پی پی) وفاقی وزیر تجارت جام کمال خان پاکستان وچ الجزائر دے سفیر ڈاکٹر براہیم رُمانی نال ہک اہم ملاقات کیتی جی?? وچ پاکستان اتے الجزائر وچال معاشی تعاون دے ودھارے اتے افریقہ و یورپ وچ پاکستان دے تجارتی اثرورسوخ کوں ودھاوݨ تے ڳالھ مہاڑ کیتی ڳئی۔ وزارت تجارت توں جاری پریس ریلیز موجب ملاقات وچ توانائی دے شعبے وچ تعاون، سرمایہ کاری دے ودھارے، اتے افریقہ تے مرکوز تجارتی نمائشا?? وچ شرکت جیھے اہم نکات تے ڳالھ کیتی ڳئی۔ الجزائر دے سفیر وزیر تجارت کوں ݙسیا جو الجزائر افریقہ دی تریجھی وݙی معیشت بݨ چُکئے اتے یورپ کوں گیس ݙیوݨ آلا اہم ملک اے جیڑھا سمندر دے تلے پائپ لائنز دے ذریعے اٹلی، اسپین اتے تیونس تئیں توانائی پُچیندا پئے۔انہاں ݙسیا جو یورپ، ایشیا اتے مشرق وسطیٰ دے کئی ملکاں الجزائر وچ توانائی دے شعبے وچ 40 ارب ڈالر دی سرمایہ کاری دا منصوبہ رکھدیندن ۔ انہاں پاکستان کوں الجزائر دے تیل، گیس، ہائیڈروجن اتے بجلی دے وݙے ذخیرے توں فیدہ چیندے ہوئیں ایں شعبے وچ سرمایہ کاری دی دعوت ݙتی۔ سفیر مزید آکھیا جو الجزائر دا جغرافیائی محلِ وقوع اتے ترقی یافتہ انفراسٹرکچر پاکستان کیتے افریقی منݙیاں تئیں رسائی دا گیٹ وے ݙیندے ، جتھاں ݙاہ توں ودھ افریقی ملکاں تئیں زمینی و فضائی رابطے موجود ہن، جݙاں جو الجزائر دے کئی افریقی اتے عرب ملکاں دے نال تجارتی معاہدے وی ہن۔ملاقات دے دوران سفیر پاکستان کوں الجزائر وچ 4 توں 10 ستمبر 2025 تئیں منعقد تھیوݨ آلی پہلی INTRA-AFRICA Trade Fair وچ شرکت دی دعوت ݙتی۔ ایں بین الاقوامی نمائش وچ 140 ملکاں دے 2000 توں ودھ نمائشی ادارے، عالمی مالیاتی ادارے، ترقیاتی بینک اتے صنعتی رہنما شرکت کریسن۔ سفیر آکھیا جو پاکستان صرف تاجر دے طور تے نئیں بلکہ اسٹریٹجک سرمایہ کار دے طور تے زراعت، توانائی، آئی ٹی، اختراع، صحت اتے سٹارٹ اپس دے شعبی?? وچ شرکت کرے۔وزیر تجارت جام کمال خان ایں پیشکش دا خیر مقدم کیتا اتے عالمی پلیٹ فارمز دے مؤثر استعمال دے ذریعے سرمایہ کاری و تجارتی شراکت داری دے ودھارے دی اہمیت کوں اجاگر کیتا۔ انہاں پاکستان دی “لک افریقہ” پالیسی دے تحت افریقی معیشتاں دے نال مؤثر تجارتی سفارت کاری دے ذریعے رابطے ودھاوݨ تے زور ݙتا۔ جام کمال آکھیا جو ٹریڈ ڈیولپمنٹ اتھارٹی آف پاکستان برآمدات تے مبنی ترقی کوں ودھارا ݙیوݨ اتے نجی شعبے دی ٻاہرلی منڈیاں تئیں رسائی کیتے سرگرم اے۔انہاں آکھیا جو ایں ویلھے پاکستان اتے الجزائر وچال سانجھی تجارت 43.93 ملین ڈالر اے، جی?? وچ پاکستان دیاں برآمدات جنہا?? وچ ٹیکسٹائل، چاول اتے سرجیکل آلات شامل ہن 17.19 ملین ڈالر ہن جݙاں جو الجزائر توں درآمدات وچ فاسفیٹس، کھاد اتے سیمنٹ شامل ہن۔ ݙوہائیں فریقاں جوائنٹ بزنس کونسل دے پہلے اجلاس کوں وختی منعقد کرݨ تے اتفاق کیتا، جیڑھا 2022 وچ ایف پی سی سی آئی اتے الجزائر چیمبر آف کامرس اینڈ انڈسٹری وچال بݨی ہئی۔ سفیر ݙسیا جو الجزائر دا سفارت خانہ پاکستانی کاروباری حضرات کوں ترجیحی بن??اد تے فاسٹ ٹریک بزنس ویزے ??اری کریندا پئے، جیڑھا بغیر کہیں تاخیر یا مرکزی منظوری دے، ول ول داخلے دی سہولت ݙیندن ۔ ملاقات وچ سانجھی تجارت دے ودھارے، نویں سرمایہ کاری کوں راغب کرݨ اتے افریقہ سودھے عالمی پلیٹ فارمز تے اشتراک عمل کوں وسیع کرݨ تے اتفاق کیتا ڳئے
.jpg)
.jpg)
