اسلام آباد۔3اپریل(اے پی پی) نائب وزیراعظم / وزیر خارجہ سینیٹر محمد اسحاق دوست ملکاں نال سرمایہ کاری دے منصوبے دی تجویزاں تے چوتھے بین وزارتی اجلاس دی صدارت کیتی۔ دفتر خارجہ توں جاری بیان موجب وزیراعظم دے معاون خصوصی طارق باجوہ، وفاقی سیکرٹریز خارجہ امور، پٹرولیم، آئی ٹی اتے اقتصادی امور، چیئرمین این ایچ اے، سپیشل سیکرٹری خزانہ اتے پٹرولیم اتے خصوصی سرمایہ کاری دی سہولت کونسل (ایس آئی ایف سی)، وزارت خارجہ، مواصلات اتے ٻئے محکمیں دے سینئر حکام اجلاس اچ شرکت کیتی۔ کمیٹی انفراسٹرکچر، پٹرولیم، تجارت اتے آئی ٹی اچ ممکنہ سرمایہ کاری بارے بریفز دا جائزہ ڳھدا۔ نائب وزیراعظم ہدایت کیتی جو منتخب تجویزاں کوں چھیکڑی شکل ݙتی ونڄے تے دوست ملکاں نال اقتصادی، تجارتی اتے سرمایہ کاری دے تعلقات کوں ودھارا ݙیوݨ سانڳے پاکستان دی ترجیحات دا اعادہ کیتے۔ انہاں سٹریٹجک شراکت داری ودھاوݨ تے کراس سیکٹر تعاون کوں ودھارا ݙیوݨ تے حکومت دی غیر متزلزل توجہ ݙیوݨ دا وی اعادہ کیتے۔
.jpg)
