اسلام آباد۔29اگست (اے پی پی):وفاقی وزیر خزانہ مفتاح اسماعیل آکھیے جو پاکستان مسلم لیگ( ن) تے اتحادی جماعتاں آپݨی سیاست کوں دائو تے لاتے پاکستان کوں دیوالیہ تھیوݨ توں بچائے ،عمران خان دی ایما تے شوکت ترین پنجاب اتے خیبر پختونخوا دے وزرا خزانہ کوں فون کرتے ریاست مخالفت اقدام تے اکسائے ،پاکستان دے مفاد دے خلاف غیر ملکی ادارے کوں خط لکھݨ غداری اے، شوکت ترین کوں ایں فون ریکارڈنگ دے سامݨے آوݨ دے بعد سیاست چھوڑ ݙیوݨی چاہیدی اے ، خیبر پختو خوا دے وزیر خزانہ تیمور جھگڑا کوں وختی مستعفی تھیوݨا چاہیدے ،عمران خان دی گزریل 10 سالاں توں کے پی کے وچ حکومت اے ،اڄ تئیں کوئی ھک وݙا سکول ، کالج ،یونیورسٹی یا ہسپتال نی بݨا سڳیے ، عوام بجلی دے ٻلاں تے جیڑھا فیول ایڈجسمنٹ چارجز ادا کریندے پئن اے پی ٹی آئی دور دے مل ڳھدے ڳئے مہانگے فیول پاروں ہن ۔او سنوار کوں پی ٹی وی ہیڈکوارٹراچ پریس کانفرنس توں خطاب کریندے پئے ہن ۔ وفاقی وزیر مفتاح اسماعیل آکھیے جو پچھلے چار ݙینھ توں وزیر اعظم سیلاب متاثرین نال ملدے پئن ،سندھ بلوچستان اتے خیبر پختونخوا دا دورہ کر چکن ،جتھاں وزیراعظم نی پڄدے پئے اتھاں ٻئے رہنما ویندے پئن ، مریم نواز وی مختلف علاقیں دا دورہ کریندیاں پئن ،وزیر اعظم 15 ارب سندھ اتے 7 ارب بلوچستان کوں ݙیوݨ دا اعلان کیتے حالی رقم دی مزید ڈیمانڈ آندی پئی اے ،ساݙے وسائل محدود ہن ?? انہاں آکھیے جو ودھ سارے مینھ تے سیلاب پاروں لوکاں دے زناور مر ڳئن، گھر تے فصلاں تباہ تھی ڳئن، ایں اوکھی صورتحال اچ پی ٹی آئی گری ہوئی حرکت کیتی ۔ شوکت ترین دی آڈیو سامݨے آچکی اے جیں اچ شوکت ترین پنجاب دے وزیر خزانہ محسن لغاری کوں آکھیے جو آئی ایم ایف کوں آکھو جو ساݙا ض??ان تھئٖ تے ھک خط وی لکھو جیں تے محسن لغاری جواب ݙتے جو ایں توں ساݙی ریاست کوں ض??ان تاں نہ تھیسی ؟ ایویں وزیر خزانہ خیبر پختونخوا تیمور جھگڑا کوں آکھیے جو کیا تساں خط بݨا ڳھدے ، جیں تے تیمور جھگڑا آکھیے ہݨے بݨینداں، شوکت ترین فون تے مندے کڈھئن ، ایں سارے معاملے دا ماسٹر مائند شوکت ترین اے?? انہاں آکھیے اساکوں تاں نواز شریف ،شاہد خاقان عباسی اتے ٻئے لوک آکھدے پئے ہن جو حکومت نہ گھنو ، میں وی حکومت بݨݨ تں پہلے شہباز شریف کوں ݙسایا ہئی جو ملک دیوالیہ تھی چکیے ، پٹرول اتے بجلی دیاں قیمتاں ودھاوݨیاں پوسن ایں معاملے تے تاں شہباز شریف سمجھیا تے سخت فیصلے ڳھدے انہاں آکھیے جیڑھے لوک پاکستان کوں دیوالیہ پن تئیں گھن ڳئن انہاں لوکاں آئی ایم ایف دے نال معاہدہ کیتا ہئی ۔
.jpg)
.jpg)
