لاہور۔31 دسمبر(اے پی پی )ڈپٹی سپیکر پنجاب اسمبلی سردار دوست محمد مزاری قوم کوں نویں سال دی مبارخ ڈیندے ہوئیں آکھیے جو اساڈی قوم خوش قمست اے جو پاکستان دی بھج دھرک ایں وقت وزیرِ اعظم عمران خان دی صورت اچ ہک ایماندار ، بہادر تے بے باک قیادت دے ہتھ اچ ہے، نواں سال ملک تے قوم کیتے ترقی تے خوشحالی دی کرن بنڑ تے ابھرسی ، سال 2020عوام نال کیتے گے وعدے پورے کرنڑ تے انہاں دیاں امیداں تے پورا لہنڑ دا سال اے ، نویں سال اچ میرٹ ، گڈ گورننس اتے اختیارات دی تلویں سطح تے منتقلی حکومت دی ترجیح اے ، انہاں آکھیے نواں سال سرمایہ کاری دا سال ہوسی تے کامیاب حکومتی پالیسیاں تے معاشی اصلاحات پاروں برآمدات تے ملکی پیداوار اچ ودھارا تھیسی ، عوام تبدیلی دے ناں تے ووٹ ڈے تے خدمت خلق دا جیرھا موقع ڈتے سال 2019 اچ کوشش کیتی جو ایں ووٹ دی قدر کریندے ہوئیں عبادت سمجھ تے عوام دی خدمت کیتی ونجے ۔
