اسلام آباد۔7اکتوبر (اے پی پی)صدر مملکت ڈاکٹر عارف علوی آکھیے جو اٹھارویں آئینی ترمیم توں بعد سندھ سودھا ہر صوبے دی ترقی وفاقی حکومت دی ذمہ واری اے جیڑھا وفاق چنگاں نبھیسی،کرونا تے پوراقابو پاونڑ کیتے احتیاطاں تے سختی نال عمل کرنڑا ہوسی،کراچی دے مسلیاں دے حل کیتے بلدیاتی نظام بہوں ضروری اے،عوام دے مسلے ترجیحی بنیاداں تے حل کیتے ویسن۔اے گالھ انہاں ہک نجی ٹی وی چینل کوں انٹرویو اچ آکھی۔انہاںا ٓکھیے جو کرونا نال نبڑن کیتے وزیراعظم عمران خان دا ویژن اتے جگ توں ہٹ تے سمارٹ لاک ڈاون دی پالیسی کامیاب رہی اے جیکوں جگ وی منیے،کرونا حالی مکیا نئیں ایں سانگے ساکوں ڈوجھی لہر توں بچنڑ کیتے ودھ احیتاط اپناونڑی ہوسی اتےھ ایس او پیز تے عملدرآمد نئیں چھوڑنا چاہیدا۔صدر آکھیا جو کراچی اچ ترقیاتی عمل شروع کرنڑ کیتے فریقین نال صلاح مشورہ کتیا ویندا پئے،لوکاں دے مسلے تیکھے حل کیتے ویسن،کراچی اچ اراضی دی بندربانٹ کیتی ویندی رہی اے بھل اجوکی حکومت ایندے اچ شفافیت گھدی آندی اے،جزائر بارے آرڈیننس بہتری کیتے گھن آیا گئے،اے جزائر پورٹ قاسم دی ملکیت ہین اتے پورٹ قاسم وفاق دے ماتحت اے جڈاں جوساحلی علاقیاں اچ مینگروز دا تحفظ ترجیح اے جیندے کتیے ودھ اقدامات کیتے ویندے پین،ایں سانگے میں ہمیشہ ہر فورم تے گالھ کیتی اے۔انہاںا ٓکھیے جو کراچی دے لوکاں اپنڑے مسائل دے ھل اتے حقوق کیتے بہوں قربانیاں ڈتن، حکومت انہاں دیاں امیداں پوریاں کریسی۔
