بیجنگ۔7جون (اے پی پی):وزیر اعظم محمد شہباز شریف پاکستان دی اقتصادی ترقی اچ سی پیک دے اہم کردار کوں اجاگر کریندے ہوئیں آکھیے جو سی پیک دے ݙوجھے مرحلے دے تحت پائیدار ترقی، خصوصی اقتصادی زونز ، صنعتاں، آئی ٹی، کاناں اتے معدنیات، زراعت تے متبادل توانائی دے شعبیں اچ تعاون کوں ترجیح ݙتی ویسی ،وزیراعظم آفس دے میڈیا ونگ توں جاری بیان موجب وزیر اعظم محمد شہباز شریف چین دی نیشنل پیپلز کانگریس دی قائمہ کمیٹی دے چیئرمین ژاؤ لیجی نال ملاقات کیتی۔ ملاقات اچ وزیر اعظم چیئرمین ژاؤ لیجی کوں چینی سیاست اتے معاشرے سانڳے انہاں دی خدمات تے زبردست خراج تحسین پیش کیتے اتے نیشنل پیپلز کانگریس دے سالانہ اجلاس دے کامیاب انعقاد تے انہاں کوں مبارخ ݙتی ۔ وزیر اعظم آکھیے کمیونسٹ پارٹی آف چائنا (سی پی سی) اتے نیشنل پیپلز کانگریس (این پی سی) اچ ھک اہم عہدہ ژاؤ لیجی تے چینی قیادت تے عوام دی طرفوں انہاں تے کیتے ڳئے اعتماد کوں ظاہر کریندے ۔انہاں مزید آکھیے جو چین دے نال مضبوط تعلقات پاکستان دی خارجہ پالیسی دی بنیاد اے ۔ انہاں آکھیے ݙوہیں ملکاں وچال منفرد اتے خصوصی تعلقات سٹریٹجک اعتماد، مشترکہ نظریات اتے عملی تعاون تے مبنی ہن ۔ پاکستان دی اقتصادی ترقی اچ چین۔ پاکستان اقتصادی راہداری دے اہم کردار کوں اجاگر کریندے ہوئیں وزیراعظم آکھیے سی پیک دے ݙوجھے مرحلے دے تحت پائیدار ترقی، خصوصی اقتصادی زونز، صنعتاں، آئی ٹی ، کاناں اتے معدنیات، زراعت اتے متبادل توانائی دے شعبیں اچ تعاون کوں ترجیح ݙتی ویسی ۔چیئرمین ژاؤ لیجی آکھیے صدر شی جن پنگ دی رہنمائی نال چین پاکستان نال پائیدار شراکت داری کوں مزید مستحکم کرݨ سانڳے پرعزم اے ۔ ݙوہیں فریقاں ھک ݙوجھے دے بنیادی مفادات دی حمایت دا اعادہ کیتے۔
